Ivo Murgia

31/05/2007

Su documentu chi at presentau Màriu Puddu in su cumbènniu de Cabuderra.

A su Presidente Renato Soru
A s’Assessore Elisabetta Pilia
A totu is Cummissàrios
de sa Cummissione Limba

Chistione: Rifiutu de sa «Bozza Limba Sarda Comuna. Norme linguistiche di riferimento» de Diegu Corraine presentada in Cummissione a númene de sa RAS su 19/12/05.

In data 09/12/05 s’Assessore Pilia at convocau cun email sa Cummissione cun a s’o.d.g. «la bozza sulle norme linguistiche di riferimento, elaborata dal Prof. Corraine (che si allega in copia), sulla base di quanto concordato nella riunione del 24 settembre 2005».
Mi domandho si est onestu, semplicemente onestu, chi a sa riunione de su 19/12/05 (presentes s’Assessore Pilia, sa Dotoressa Scanu, Prof.ssa M.T. Pinna Catte, Prof.ssa A. Oppo, Prof. G. Angioni, Prof. D. Corraine e deo) si faet agatare a is Cummissàrios una «2^ versione» puru de una “bozza” de 67 pàgines po ndhe giare una valutazione, coment’e chi seduta stante unu potzat fàere su miràculu de lígere totu e bíere ite at cambiau de sa “prima versione” su prof. Corraine, e po dh’aprovare puru!!!
A cricare sa gente a decídere de una cosa chi no est prus cussa fata connòschere deghe dies innanti, si podet classificare solu pigada in giru o prus semplicemente disonestade.
In méritu a sa “prima versione”, chi apo lígiu cun totu s’atentzione e disponibbilidade, potzo nàrrere solu chi custa “bozza” no portat nudha prus de su títulu – «LIMBA SARDA COMUNA» - de su chi totu is Cummissàrios aus aprovau e firmau in Castedhu su 24/09/05, ma traighet su chi de sustantziale e cualificante istabbilit cussu documentu inue narat chi «La Giunta» […] «ha dato mandato alla Commissione» […] «di individuare una varietà linguistica naturale che costituisca un punto di mediazione tra le parlate più comuni e diffuse», ca de una variedade naturale, de unu sardu reale, in cussa “bozza” no si cumprendhet nudha; fortzis si fiat cumpréndhiu calecuna cosa si dh’iat iscrita in “Limba sarda comuna”, ma iscrita in italianu est o incapacidade de chie faet sa proposta etotu a iscríere su chi proponet o una manera ‘educada’ de cuare su chi realmente est.
Corraine a totu s’impiantu de sa LSU, in parte artefatu, dhi at postu “Limba Sarda Comuna”, sèmpere totu a elencos de foedhos e cun is matessi formas verbales imbentadas chi neune narat, at agiuntu s’artículu IS, is pronúmenes DHA, DHU, DHOS, is digrammas /gn/, /gl/, /sc/, sa /g/ africada e cun custu sighit a pigare is limbas coment’e unu minestrone o giogu de plastilina chi solu isse ischit fàere.
Si calecunu boliat “uno straccio” de limba, in custa “bozza” giai dha tenet. E si est abberu chi a Corraine s’incàrrigu de dha fàere si dh’at giau su Presidente Soru in cussa riunione de cabudanni etotu (ma su «mandato» no fiat «alla Commissione»?), e si totu sa chistione po s’Amministratzione regionale acabbat in custa riunione de su 19/12/05, unu e àteru si pighent sa responsabbilidade de su chi est cuncordau in cussa “bozza”: deo no ndhe cundivido ne s’impostatzione, ne s’utilidade e ne bio sa possibbilidade de iscríere una cosa chi unu solu cumprendhet, postu chi is limbas ne in totu e ne in parte funt un’elencu de foedhos: sa limba sarda puru est una cosa séria.
S’opinione de Mario Puddu no est necessària, no est ne sa veridade in busciaca e mancu su non plus ultra: est solu chistione chi de su chi narat e faet Mario Puddu est responsàbbile Mario Puddu.

Cun is méngius saludos a totus.
Santuanni Suérgiu 21/12/05

Postu de: is4morus a is 08:15 | link | commenti (4)

Commenti

#1 31 Maggio 2007 - 10:43

sei nato il mio stesso giorno (ma sei di un anno + vecchio), ho origini nella tua terra e hai scelto il mio stesso template. Per leggerti mi comprerò un vocabolario. : )

Guarda il mediablog (foto, audio e video) di questo utente.

zzilvia75

#2 31 Maggio 2007 - 16:57

eh sì chissà!--- perché no!

zzilvia75

#3 01 Giugno 2007 - 01:55

Mi dispraghede, Ivo.
Un'impràssidu.

xdanisx

#4 02 Giugno 2007 - 17:42

ciao....grazie per il consiglio ora mi butto giu' dal gennargentu...pensi che mi faro' abbastanza male?....uffah io tirocini ne farei pure ma davvero sta diventando un problema pure quello...mannaggia....bellino il blog...peccato che il tuo sardo sia un pò diverso dal mio.... vabbè a si biri!!!!!!!!!

zimuz

Commenti

Su meri de domu

Cumentus

Fotografias

Amigus

Mesis

Genias

Funt agiudendi

Feeds

Contadori

Postu de: is4morus a is 08:15 | link | commenti (4)