Lìngua e cultura sarda

FURRIADROXUS E FURRIADROXUS


Una staria campidanesa in Pula (CA), po papai a sa sarda ma no sceti cussu. Andria Zucca, su meri de domu est aparicendi una bella pariga de presentadas e de atòbius de lìngua e cultura sarda, e ddui apu a essi deu puru in mesu.
Atàcant in làmpadas, candu sa genti cumèntzat a nci bessiri a si pigai su friscu e praxit a papai in logu obertu e in d-una lolla campidanesa.
In bàsciu su link a sa pàgini virtuali de sa staria, in sardu puru, mancu a ddu nai!
Su Furrriadroxu

E giai chi seus arrexonendi de furriadroxus, no si perdais nimancu su film de Miali Mossa e Miali Trentini, 'Furriadroxus' etotu si nàrat. Su documentàriu dd'ant girau in su Surcis, in Marfatanu, tra Teulada e Domus de Maria (CA), in is ùrtimus furriadroxus chi bivint a costau de pari cun su turismu de is prajas nodias de cussas partis.
Est su contu de sa vida de custus òminis acapiaus a su connotu e de unu mundu chi est cambiendi.
Girau po su prus in sardu, acàbat cun d-unu de is protagonistas cantendi unu mutetu, su tràgiu est aici bellu e sèriu, mancai siat unu mutetu spassioseddu, ca parit de ddi intendi sa tristura po una manera de bivi chi est spacendi.
Gosaisiddu.
Furriadroxus

Mancu a ddu fai a posta, pròpiu notesta in Domus de Maria ant a fai una cantada campidanesa, faci a is 9 oras, cun Tzedda, Crisioni, Orrù e su de cuàturu no ddu sciu!

Postu de: is4morus a is 10:27 | link | commenti (6)

#1   09 Maggio 2008 - 11:03

 

A andas tue? Deo non potho andare. Diat essere bellu. Ma si la cantene... O no?

paol84

#2   10 Maggio 2008 - 00:21

 

ciao, mi sa che quest'anno non potremo farci una birra insieme, almeno non a cagliari

isidax

#3   11 Maggio 2008 - 23:06

 

t'appu agatau sighendi unu link; liggi calancuna cosa in sardu faidi intendi fragh'e domu. a si biri.

capsicum

#4   12 Maggio 2008 - 13:25

 

forza casteddu...siamo salvi

LifeIsAFlag

#5   12 Maggio 2008 - 16:40

 

Colade totus a biere su blog nou:
indipendentzia.splinder.com

paol84

#6   12 Maggio 2008 - 16:50

 

Apo ciambau lumene. Su blog este:
sardignalibera.splinder.com

paol84